Afisa Uchaguzi wa Halimashauri ya wilaya Ngara mkoani Kagera James John Ling'wa, amesema zoezi la uandikishaji wa wapiga kura kwa ajili ya uchaguzi wa Serikali za Mitaa kwa mwaka 2024 linaendelea vizuri wilayani humo.
Akizungumza na Ishizwe Tv, Ling'wa amesema zoezi hilo linaendeshwa ndani ya vituo 423 huku kila kata ikitengewa vituo maalum na Serikali kwa ajili ya zoezi hilo lenye lengo la kuandikisha Jumla ya watu 185,094. Aidha ametoa wito kwa wananchi wote wenye vigezo kujitokeza kwa wingi kujiandikisha katika daftari la mpiga kura ili kupata nafasi ya kuchagua viongozi wa mitaa wenye sifa stahiki ifikapo Novemba 27 mwaka huu.
