Rubani mwenye umri wa miaka 59, Ilcehin Pehlivan, amefariki dunia wakati wa safari ya ndege aina ya Airbus A350-900 iliyokuwa ikitokea Seattle nchini Marekani kuelekea mji mkuu wa Uturuki Istanbul.
Ndege hiyo mali ya shirika la ndege la uturuki ililazimika kutua kwa dharura New York baada ya rubani kupata tatizo la kiafya huku taratibu za huduma ya kwanza zikiendelea kufanyika. Hata hivyo, juhudi hizo ziligonga mwamba kwani rubani huyo alifariki kabla ya ndege kutua.
