International News

MSF yatahadharisha juu ya kuongezeka kwa ghasia katika eneo la Walikale

International News 03 April 2025

Shirika la madaktari wasio na mipaka (MSF) limetoa tahadhari juu ya kuongezeka kwa machafuko katika wilaya ya Walikale iliyopo jimbo la Kivu Kaskazini mwa Jamhuri ya Kidemokrasia ya Kongo.

Shirika hilo limesema kuwa shughuli zake zimeathirika kwa kiasi kikubwa kutokana na mapigano yanayoendelea kati ya jeshi la Kongo na waasi wa M23 wanaosaidiwa na jeshi la Rwanda.

Katika tangazo lake, shirika hilo lisilo la kiserikali la madaktari wasio na mipaka, MSF limetoa tahadhadhari kuhusiana na hatari inayotokana na uhaba wa dawa muhimu katika hospitali kuu ya Walikale, ikiwa mapigano yataendelea katika eneo hilo.

Tangu kuanza kwa mapigano kati ya kundi la wapiganaji wa M23 na jeshi la Kongo linaloungwa mkono na vijana wazalendo, takribani asilimia 80 ya watu wameuhama mji huo huku wengine zaidi ya 700 wakiwa wamepatiwa hifadhi kwenye hospitali kuu ya Walikale ambayo inakabiliwa na uhaba wa vifaa muhimu kwa ajili ya wagonjwa.

Aidha, Shirika hilo limetoa wito wa kuimarishwa kwa usalama ili kuwezesha utoaji wa huduma za Afya kwa wahitaji, huku likihamasisha jamii na wadau wa kimataifa kuchukua hatua za haraka juu ya kinachoendelea.

Vifo vyafikia 1,000 mamia wahofiwa kukwama kwenye vifusi

International News 29 March 2025

Vifo vilivyotokana na tetemeko la ardhi lililoikumba miji mbalimbali nchini Myanmar imefikia watu 1,000 huku mamia wengine wakihofiwa kunaswa kwenye vifusi vya majengo yaliyoanguka.

Mbali ya idadi hiyo ya vifo pia serikali ya nchi hiyo imesema kuwa idadi ya majeruhi ni zaidi ya watu 2,300 huku shughuli za uokoakji na kutafuta miili ya watu waliofariki na kufukiwa na vifusi ikiendelea kufanyika.

Miili 12 ya watoto wa chekechea na mwalimu wa shule ya Mye Mye Kyi imepatikana mapema leo kwenye eneo la Kyaukse lililopo kwenye mji wa Mandalay.

Viongozi wa kijeshi wa Myanmar wametoa ombi la msaada wa kimataifa huku China na India yakiwa amataifa ya awali kutoa msaada kwenye taifa hilo.

M23 yaridhia kuondoka kwa kikosi cha SADC mashariki mwa DRC

International News 29 March 2025

Waasi wa M23 wamekubaliana na Jumuiya ya Maendeleo ya Kusini mwa Afrika SADC, juu ya kuondoka kwa vikosi vyake kutoka mashariki mwa Jamhuri ya Kidemokrasia ya Kongo ikiwa ni siku chache baada ya wakuu wa majeshi wa Afrika Kusini, Zambia, Malawi na Tanzania kukutana na mkuu wa jeshi la M23 Sultani Makenga katika mji wa Goma.

Pande zote mbili zimekubaliana, kwamba M23 itawezesha kuondoka mara moja kwa askari wa kikosi hicho kupitia uwanja wa ndege wa Goma, ambao kwa sasa hautumiki kwa sababu ya kuharibiwa wakati wa mapigano.

Makamu wa Rais wa kwanza wa Sudan Kusini asakwa na chama chake.

International News 27 March 2025

Chama cha Makamu wa Rais wa kwanza katika tifa la Sudan Kusini Riek Machar kimesema kuwa kinajaribu kumtafuta kiongozi huyo baada ya waziri wa ulinzi na mkuu wa usalama wa taifa hilo kuingia kwa nguvu katika makazi yake na kutoa hati ya kukamatwa.

Katika taarifa ya chama cha Machar cha SPLM-IO kimelaani ukiukaji wa wazi wa katiba na mkataba wa amani uliorekebishwa ambao ulimaliza vita vya wenyewe kwa wenyewe vya mwaka 2013 hadi 2018 kati ya vikosi vinavyomtii Machar kwa upande mmoja na vile vya Rais Salva Kiir .

"Walinzi wake walinyang'anywa silaha na hati ya kukamatwa ilifikishwa ilitolewa kwa mashtaka ambayo hayakufahamika. Juhudi za kumhamisha kwa sasa zinafanywa," ilisema taarifa hiyo.

Serikali za kigeni zimeonya kuwa vita vya wenyewe kwa wenyewe vinaweza kuzuka tena nchini Sudan Kusini kufuatia majuma kadhaa ya mvutano unaoongezeka ambao ulitokana na mapigano kati ya wanajeshi wa Serikali na wanamgambo ambao kihistoria wamekuwa karibu na vikosi vya Machar.

Katika kukabiliana na mapigano tangu mwishoni mwa mwezi Februari katika jimbo la Upper Nile kaskazini mashariki, serikali ya Kiir imewashikilia maafisa kadhaa wa chama cha Machar, akiwemo waziri wa mafuta ya petroli na naibu mkuu wa jeshi.

Ujerumani kulisaka kundi linalopanga kuiangusha Serikali ya Eritrea

International News 26 March 2025

Maafisa wa Ujerumani wameendele kufanya msako mkali kwenye majimbo sita unaowalenga washukiwa 17 wanaotuhumiwa kuwa wanachama wa kundi la ndani la kigaidi linalolenga kuiangusha serikali ya Eritrea.

Waendesha mashitaka wa Ujerumani wamesema washukiwa hao wanaaminika kushikilia nyadhifa kubwa katika kundi la Brigade N'Hamedu - tawi la Ujerumani, ambalo limekuwa likiendesha harakati zake tangu mwaka 2022.

Kundi hilo linaelezwa kuwa mtandao wa kimataifa na linajulikana kwa kutumia vurugu dhidi ya wafuasi wa serikali ya Eritrea. Linatuhumiwa kwa kupanga ghasia katika matamasha ya Kieritrea mjini Giessen, karibu na Frankfurt Agosti 2022 na Agosti 2023, Pia kwenye warsha iliyoandaliwa na chama cha Kieritrea mjini Stuttgart mnamo Septemba 2023 huku takribani makazi 19 yamepekuliwa mapema leo nchini Ujerumani ambapo hadi sasa hakuna aliyekamatwa.

MSF yatahadharisha juu ya kuongezeka kwa ghasia katika eneo la Walikale

Vifo vyafikia 1,000 mamia wahofiwa kukwama kwenye vifusi

M23 yaridhia kuondoka kwa kikosi cha SADC mashariki mwa DRC

Makamu wa Rais wa kwanza wa Sudan Kusini asakwa na chama chake.

Ujerumani kulisaka kundi linalopanga kuiangusha Serikali ya Eritrea

Visitor Counter

Opening Hours

Contact Us