Miili 13 ya watu waliopoteza maisha baada ya kudondokewa na jengo katika eneo la biashara la Kariakoo, wilayani Ilala jijini Dar es Salaam itaagwa leo Jumatatu Novemba 18 saa saba mchana.
Waziri Mkuu Kassim Majaliwa anatarajiwa kuongoza ndugu, jamaa na marafiki katika hafla fupi ya kuaga miili hiyo iliyopangwa kufanyika katika viwanja vya mnazi mmoja.
Rais Samia Suluhu Hassan tayari ameelekeza uchunguzi wa kina ufanyike katika majengo yote ya Kariakoo ili kuchukua tahadhari mapema na kuepusha madhara ya majengo kuporomoka na kuua raia.
