Mkuu wa Mkoa wa Mbeya Cde: Juma Z. Homera ametaka uchunguzi ufanyike ili kubaini wanao husika na mauaji ya kutatanisha katika kata ya Madibila wilayani Mbarali mkoani Mbeya na kuagiza watakaobainika kushiriki mauaji hayo kuchukuliwa hatua kali za kisheria. Ameyasema hayo wakati wa ziara yake ya kikazi wilayani humo  kwa ajili ya kusikiliza na kutatua kero mabalimbali za wananchi.

Kwa upande wake Polisi kata wa eneo hilo na Mkaguzi Msaidizi wa Jeshi la polisi Julius Mongo, amekiri kuwepo kwa mauaji hayo ambapo amesema jeshi la polisi kwa kushirikiana na wananchi watahakikisha wanafanya jitahada za kukomesha vitendo hivyo ikiwemo kuchukua hatua madhubuti kwa watakao bainika.

Madereva wa magari ya aina ya Land Rover kutoka nchi mbalimbali wamekusanyika  jijini  Arusha, kaskazini mwa Tanzania katika tamasha maalum lenye lengo  la kutangaza utalii  pamoja na kufungua fursa mbalimbali za kiuchumi kwa wakazi wa mkoa wa Arusha kwa kuwa na matukio mbalimbali yatakayokusanya idadi kubwa ya watu na hivyo kuchangia kukuza pato la mwananchi mmoja mmoja na la mkoa kwa Ujumla.

Tamasha hilo la siku tatu, limeanza  Oktoba 12 na  kutarajiwa kutamatika siku ya Jumatatu Oktoba 14, huku  shughuli za tukio hilo zikianzia  eno la Kingori nje kidogo ya jiji la Arusha kwa mkusanyiko mkubwa wa magari  ambapo kila gari lilibandikwa namba yake ya ushiriki.

Msafara huo ulianza  polepole ukikatiza maeneo mbalimbali ya jiji hilo ambapo wakazi walifurika kushuhudia. Kwa mujibu wa kitabu cha Guinness rekodi ya sasa ya dunia ya mkusanyiko wa magari mengi ya Land Rover  ni ya mwaka 2018 ikishikiliwa na jimbo la Bavaria nchini Ujerumani ambapo magari 632 yalijitokeza na kutengeneza msafara uliofika umbali wa kilometa 7.4.

Wapiga kura wapatao 87,647 katika halmashauri ya Manispaa ya Bukoba mkoa Kagera wanatarajia kujiandikisha  kwa ajili ya uchaguzi wa Serikali za mitaa mwaka 2024. kwa mujibu wa takwimu zilizotolewa na msimamizi wa uchaguzi Bw. Erick Mazompora,  wanaume ni 50,870 na wanawake ni 47,777.

Mazompora pia ameeleza kuwa uchaguzi huo utafanyika katika mitaa 66 ndani ya manispaa, na utahusisha uchaguzi wa wenyeviti wa mitaa pamoja na wajumbe wa kamati za mitaa.

Aidha, ametoa shukrani kwa viongozi wa vyama vya siasa kwa ushirikiano wao, hususani katika maandalizi ya kupata mawakala wa vyama kwa ajili ya uchaguzi huo.

Wapiga kura wapatao 87,647 katika halmashauri ya Manispaa ya Bukoba mkoa Kagera wanatarajia kujiandikisha  kwa ajili ya uchaguzi wa Serikali za mitaa mwaka 2024. kwa mujibu wa takwimu zilizotolewa na msimamizi wa uchaguzi Bw. Erick Mazompora,  wanaume ni 50,870 na wanawake ni 47,777.

Mazompora pia ameeleza kuwa uchaguzi huo utafanyika katika mitaa 66 ndani ya manispaa, na utahusisha uchaguzi wa wenyeviti wa mitaa pamoja na wajumbe wa kamati za mitaa.

Aidha, ametoa shukrani kwa viongozi wa vyama vya siasa kwa ushirikiano wao, hususani katika maandalizi ya kupata mawakala wa vyama kwa ajili ya uchaguzi huo.